Hoxhaj: Çlirimi i Mosulit, tjetër fitore kundër ISIS-it
Aktuale
July 09, 2017 - 21:15
Ministri i Jashtëm në detyrë i Kosovës, Enver Hoxhaj, nëpërmjet një shkrimi në Twitter, e ka komentuar çlirimin e Mosulit nga kontrolli i grupit militant Shteti Islamik (ISIS).
Sipas Hoxhajt, ky çlirim është fitore tjetër kundër ISIS'it, dhe zhvillim i rëndësishëm për sigurinë lokale dhe ndërkombëtare.
“Çlirimi i Mosulit shënon një tjetër fitore kundër ISIS-it në Irak dhe rajon. Ky është zhvillim i rëndësishëm për paqen lokale dhe sigurinë ndërkombëtare”, ka shkruar Hoxhaj në Twitter.
Fitorja kundër ISIS'it u shpall më herët sot nga kryeministri i Irakut.
Liberation of #Mosul marks another victory against ISIS in #Iraq and region. Important development for local peace & international security
— Enver Hoxhaj (@Enver_Hoxhaj) July 9, 2017
