Këshilla se si duhet të reagoni në kohë kur ka tërmete

Aktuale shtator 11, 2016 - 16:15

Në Maqedoni, më saktësisht në Shkup sot kanë ndodhur dy tërmete, njëri në mëngjes dhe njëri para disa minutave.

Nga tërmeti që ka dridhur Maqedoninë me 5.1 shkallë të Rihterit, është dridhur edhe Kosova, përcjell Telegrafi Maqedoni.

Më poshtë ju sjellim disa këshilla se si të mbroheni nga tërmetet:

- Ulu menjëherë poshtë, përpara se vetë tërmeti të të rrëzojë dhe mblidhi gjunjët dhe krahët.

- Mbuloje kokën dhe qafën, edhe të gjithë trupin nëse është e mundur, duke u ulur poshtë një tavoline apo poshtë ndonjë mobilje që nuk mund të rrëzohet mbi ty. Mbahu fort, këshillon noa.al.

- Nëse afër jush nuk ka asnjë mobilje mund të uleni dhe të mbuloni kokën dhe qafën pranë një muri të brendshëm.

- Nëse ndërtesa juaj është ndërtesë e re, mos u vendosni poshtë një dere.

- Kur nisin lëkundjet gjëja më e mirë që duhet të bëni është të mos lëvizni nga njëra dhomë në tjetrën.