“Skifterat” nuk e harrojnë presidentin legjendar të SC Gjilanit, Shukri Sylejmani

Tifogrupi i SC Gjilanit, “Skifterat” e kanë kujtuar ish-presidentin legjendar të klubit, Shukri Sylejmanin në një-vjetorin e vdekjes.

Sylejmani ishte ndër figurat që kishte dhënë shumë për klubin “kuqebardhë” në kohën kur futbolli ynë nuk ka qenë i pranuar në UEFA dhe FIFA.

“Skifterat” e kujtojnë atë si president legjendar, ndërsa i kanë kushtuar edhe një shkrim emocional në faqen zyrtare.

Postimi pa ndërhyrje i “Skifterave”

Sot u bë 1 vit i ndarjes nga jeta të presidentit legjendar Shukri Sylejmani.

Një jetë dedikuar zhvillimit të futbollit dhe sportit në tërësi.

Veprën dhe kontributin e Shukës me nder e mburrje do ta kujtojmë përherë, ai përbën shembullin e dashurisë dhe sakrificës përtej mundsive për klubin e zemrës.

Zoti e mëshiroftë. /Zeri.info