Messi s’e lë Barcelonën të ''koritet''
Barcelona ka shënuar një fitore të vuajtur në ‘Camp Nou’ ndaj Alavesit.
Në kuadër të xhiros së 21-të, skuadra e drejtuar nga trajneri Ernesto Valverde, ka arritur të mposht 2:1 Alavesin, me përmbysje të rezultatit.
Edhe pse dukej një sfidë e lehtë në letër, në fushë skuadra e Alavesit i bëri të vuajnë shumë lojtarët e Barcelonës.
Ishte sulmuesi Guidetti që në minutën e 23’ kaloi në epërsi mysafirët.
LEXO EDHE: Sampdoria, “makthi” i Romës
Për të arritur barazimin, Barcelona priti deri në minutën e 72’ kur shënoi Suarez pas një asistimi nga Iniesta.
E në minutën e 84’, fatin e Barcelonës si gjithmonë në duar e mori Messi, për të shënuar një gol të jashtëzakonshëm nga gjuajtja e lirë, për 2:1.
Me këtë fitore Barcelona tani numëron 57 pikë, në kreun e La Ligas./Lajmi.net/