Gold AG me fjalë prekëse në përvjetorin e babait të tij
Reperi Arian Agushi i njohur për publikun si Gold AG, në asnjë moment të vetëm nuk e ka harruar prejardhjen e tij, por edhe dashurinë ndaj babait të tij.
Sot në përvjetorin e 25-t të vdekjes së tij, Gold AG ka prekur të gjithë fansat e tij me fjalët e tij, shkruan “Zeri.info”.
Gold AG çdo herë e ka treguar dashurinë dhe respektin që ka ndaj babait të tij, por edhe ndaj nënës së tij, e cila e rriti e vetme atë, shkruan “Zeri.info”.
Madje Ariani, babit të tij të ndjerë i ka kushtuar edhe një këngë.
Postimi i plotë i Gold AG-s:
KISHA DASHTË !!!
Kisha dashtë që i vogël ma shum me t’pa me sy
Me një dor me mpas nana e me një dor me t’mbajt ty
Kisha dashtë që bashk me nis shkollën fillore
E me të gëzu babë me notat në fletore
Kisha dashtë që shqiponjën me ta pa mu në ballë
Se e di që aty do ishe babë po t’ishe gjallë
Kisha dashtë me msu nga ti si shumë që i mësove
Eh veç Zoti e di o babë sa më mungove
Kisha dashtë me të tregu o ma i miri i ksaj bote
Se këtë karakter e kam nga zemra jote
Kisha dashtë me ty e nanën t’më shkoj jeta
Por jo nuk ankohem se Zoti i di këto janë punët e veta
Nuk ankohem jo se kështu ishte caktimi
Të Allahut jemi dhe tek Ai prap është kthimi
14.12.2017 (25 vite pa ty babi)