Kultura

Flet Dukagjin Lipa, zbulon detaje të reja për festivalin e Dua Lipës në Kosovë

Flet Dukagjin Lipa, zbulon detaje të reja për festivalin e Dua Lipës në Kosovë
08 qershor 2018 • 18 : 30

Këngëtarja kosovare me famë botërore, Dua Lipa, po sjellë sivjet në Prishtinë një festival që siç duket do mbahet mend gjatë. Bëhet fjalë për festivalin “Sunny Hill” i cili bashkë me Dua Lipën do të sjellë në Kosovë edhe një varg artistësh ndërkombëtar.

I ati i këngëtares, Dukagjin Lipa, që është edhe drejtor i “Sunny Hill Festival” në një intervistë për “Zëri.info” ka thënë se ky festival do të mbahet më 10, 11 dhe 12 gusht 2018 në Parkun e Gërmisë. Gjatë këtyre ditëve i gjithë parku i Gërmisë, përfshi edhe pishinën, do të jenë në funksion të këtij festivali.

Ai tregoi se bashkë me Duan në këtë festival do të interpretojnë edhe artistët e njohur Action Bronson, Stanaj, Grace Carter e SG Leëis e Action Bronson. Për tri ditë sa zgjatë festivali në çdo mbrëmje do te jetë një artist kryesor, duke filluar me Dua Lipën që do të performoi më 10 gusht. Sa i përket artistëve lokal, Dukagjin Lipa konfirmoi se në “Sunny Hill Festival” do të performojnë Ledri, MC Kresha e DJ Gamble.

“Sunny Hill Festival” përkrahet nga Komuna e Prishtinës kurse 25% e shumës që do të mblidhet nga shitja e biletave do të përdoren nga Fondacioni “Sunny Hill” për aktivitete të bamirësisë.
 

© zëri.info