Detaje rreth vrasjes në Pejë (Video)
Idriz Gega, 82-vjeçar nga Peja, i shpëtoi sulmit të vitit 2008, por jo edhe këtij të fundit, të enjten.
Pasditen e 14 shtatorit, Idriz Gega mbeti i vrarë dhe djali i tij Feridi u plagos nga fqinji i tyre Fatmir Llonçari.
Rreth kësaj ngjarje tragjike familjarët refuzuan të prononcohen para kamerës së RTV Dukagjinit, por një reagim pati prej tyre përmes rrjetit social Facebook.
Këto denoncime i mohon të jenë bërë nga ana e familjarëve, zëdhënësi i Drejtorisë Rajonale të Policisë së Kosovës në Pejë Xhevat Ibraj.
Sipas tij në sektorin e hetimeve të policisë ekzistojnë të dhëna se në vitin 2002 ka ndodhur një “ngacmim/frikësim” në mes të dyshuarit dhe vëllait të të ndjerit Selim Gega, ndërsa në vitin 2008 ka ndodhur një tentim vrasje direkt në të ndjerin.
Policia gjatë ditës ka lëshuar edhe një komunikatë në të cilën thotë se policia ka vërtetuar se viktima Ferid Gega, i plagosur nga kjo ngjarje është i dyshuar për veprën e vrasjes në tentativë dhe mbajtje në pronësi të pa autorizuar të armëve.
Me vendim të prokurorit ndaj të njëjtit do të vazhdohet me procedurë të rregullt.
