Kronika

Arrestohet një zyrtar policor, i dyshuar për keqpërdorim të detyrës

Arrestohet një zyrtar policor, i dyshuar për keqpërdorim të detyrës
12 shtator 2017 • 16 : 39 foto • zëri.info

Inspektorati Policor i Kosovës (IPK) ka arrestuar sot një të dyshuar (zyrtar policor) me dyshimin se i njëjti ka kryer veprën penale Keqpërdorim i pozitës dhe autoritetit zyrtar e paraparë me Kodin Penal të Republikës së Kosovës, njofton kumtesa, përcjell "Zeri.info".

"IPK kishte pranuar informacione në lidhje me dyshimet për përfshirje në veprimtari penale të të dyshuarit zyrtar policor në stacionin policor të Hanit të Elezit - policia kufitare, Drejtoria Rajonale Kufitare “Lindje”', thuhet në njoftim.

"Me autorizim të prokurorit, hetuesit e IPK-së kanë filluar hetimin ndaj këtij zyrtari duke ndërmarrë edhe disa veprime hetimore të cilat rezultuan me arrestimin e të dyshuarit".

"Me vendim të prokurorit të shtetit, të njëjtit i është caktuar masa e ndalimit policor për 48 orë deri në vazhdimin e procedurave të tjera gjyqësore. Lidhur me rastin e njëjtë, si pjesë e procedurave administrative dhe hetimore, IPK ka rekomanduar Policisë së Kosovës edhe suspendimin e zyrtarit policor", thuhet në fund të njoftimit.


 

© zëri.info