Ja kush është shqiptari i arrestuar për lidhje me ISIS-in
Një ditë më parë Policia e Tiranës arrestoi një 46-vjeçar nga Maqedonia. Imerli Avmeti ishte shpallur në kërkim ndërkombëtar nga autoritetet maqedonase, pasi akuzohej si pjesëtar i ISIS.
Avmeti do të dalë nesër para Gjykatës së Krimeve të Rënda për tu njohur me masën e sigurisë dhe kërkesës. Ai u arrestua dje në Tiranë nga njësia anti-terror, pas shpalljes në kërkim ndërkombëtar nga drejtësia maqedonase.
Autoritetet e vendit fqinj lëshuan një urdhërarresti ndërkombëtar në datën në 13 gusht, ndërsa një ditë më pas, 14 gusht, Avmeti u prangos nga policia shqiptare. Shqiptarja.com ka siguruar foton e të arrestuarit nga Gostivari. Imerli Avmeti pritet të ekstradohet në Maqedoni ku edhe do të përballet me akuzat që e lidhin atë me Shtetin Islamik (ISIS).
