100 milionë euro investime në energji në Vushtrri
Kryetari i Komunës së Vushtrrisë, Xhafer Tahiri, Ambasadori i Francës në Kosovë, Didier Chambert, kanë nënshkruar një Memorandumi i Mirëkuptimit në mes të Komunës së Vushtrrisë dhe Çiçavica Wind Farm 1 L.L.C (projekt i kompanisë franceze Akou Energy).
Ky projekt ka për qëllim prodhimin e energjisë së ripërtëritshme nga era.
Vlera e investimit është rreth 100 milion €. Nga ky projekt do të përfitoj Komuna e Vushtrrisë por edhe e tërë Kosova.
Projekti synon të prodhojë rreth 100 MW/h energji elektrike nga era ku në malin e Çycavicës do të vendosen deri në 17 turbina për prodhim të energjisë nga era.
Në bazë të këtij memorandumi Komuna e Vushtrrisë do të përfitojë:
– Të hyra direkte nga projekti që korrespondojnë në vlerën prej 1 përqind të të ardhurave vjetore të projektit Çiçavica Wind Farm;
– Bursa studimi në Francë, për studentët vushtrrias dhe studentët nga e gjithë Kosova në fushën e energjisë së ripërtëritshme, ku Ambasada Franceze në Prishtinë do të angazhohet dhe do të ndërmjetësojë për këtë qëllim;
– Subvencionim të Organizatave Joqeveritare lokale për të zhvilluar turizmin energjetik në Malin e Çycavicës.
Kryetari i Vushtrrië Xhafer Tahiri tha me këtë rast që ky është një moment tepër i rëndësishëm për zhvillimin e Vushtrrisë dhe të Kosovës.
“Ne jemi të përkushtuar dhe të hapur për investitor të huaj që do të nxisin zhvillimin ekonomik të qytetit tone. Ky do të jetë investimi më i madh privat në Vushtrri, ndërsa Komuna mbetet e përkushtuar që në një proces transparent të mbështes investimin “.
Ndërkaq diplomati francez theksoi që kompania Akou Energy është lidere në Evropë në fushën e energjisë së ripërtëritshme dhe ky memorandum sot tregon për seriozitetin e këtij investimi.
Këtu Drejtori për Ballkanin i Akou Energy, Emil Bakic, përshendeti lidershipin e komunës së Vushtrrisë dhe seriozitetin e treguar me këtë rast.
Ai theksoi që kompania e tyre ëahtë mjaft serioze për këtë investim ndërsa projekte të ngjashme kjo kopmani ka ekzekutuar tashmë në Mal të Zi dhe në Kroaci dhe presin që me të njejtin sukses të finalizojnë edhe projektin Çiçavica Wind Farm.
