Meridian Express ndihmon fëmijët e SOS Fshatit (VIDEO)
Meridian Express ka dhuruar 3265.24 euro, për Sos Fshatin e fëmijëve në Prishtinë, të cilët janë pa përkujdesje prindërore. Fushata e rrumbullakimit të faturës është organizuar gjatë muajit të Ramazanit dhe është një kontribut i konsumatorëve të Meridian Express.
Mjetet e grumbulluara nga kjo fushatë do të përdorën për përmirësimin e kushteve të jetesës së 78 fëmijëve të Sos Fshatit të cilët jetojnë 24 orë në këtë institucion.
Përgjegjësja për Mbledhjen e Fondeve në SOS Fshatrat e Fëmijëve të Kosovës, Albana Zogu – Morina, ka thënë se fushata “rrumbullakëso faturën” organizohet për disa vite me radhë.
”Meridian Express është kompani e cila në vazhdimësi e ka mbështet Sos fshatin. Kampanja me centa të vegjël ta ndihmojmë Sos Fshatin do të vazhdojë edhe më tej”, theksoi Zogu – Morina.
Ndërkaq Drejtori Ekzekutiv i Merdian Express, Agon Gashi, ka bërë të ditur se fushata për rrumbullakimin e faturës do të vazhdojë edhe më tej. Ai ka treguar s kjo fushatë organizohet tash e tre vite me radhë.
“Një falënderim shkon për konsumatorët e Meridian Express, sepse këto mjete janë kontribut i tyre. Ne do ta vazhdojmë edhe më tej kampanjën e tillë. Mjetet e grumbulluara janë në periudhën e muajit të Ramazanit, si dhe e kemi shtyrë kampanjën edhe për dy javë pas Ramazanit”, tha ai.
Por Gashi ka treguar se kampanja e për rrumbullakimin e faturës nga konsumatorët e Meridian Express do të vazhdojë dhe se konsumatorët do të mund t’i japin që tani kontributet e tyre për fëmijët e Sos Fshatit.
Kësaj kampanje humanitare i është bashkangjitur edhe aktori i serialit “O Sa Mirë” Ernest Zymberi, i cili ka thënë se si popull jemi mjaft human.
“E kemi edhe obligim moral, për t’i ndihmuar njerëzit e tjerë, si popull jemi solidar krejt çfarë na nevojitët është iniciativa sikur kjo e Meridian Express”, tha Zymberi.
Ai ka ftuar që edhe kompani dhe bizneset e të tjera që të organizojnë iniciativa për t’ju ndihmuar fëmijët e Sos Fshatit.
Ndryshe në Sos Fshat, sipas Albana Zogu – Morinës, jetojë 78 fëmijë të moshave të ndryshëm gjatë gjithë kohës.
