Numër i madh i mjekëve me koronavirus në Turqi, akuza për qeverinë
Bota
April 22, 2020 - 15:10
Turqia ka numër të madh të mjekëve të infektuar me koronavirus.
Shoqata Mjekësore Turke (TTB) ka akuzuar qeverinë se nuk ka mbrojtur punonjësit e shëndetit pasi 24, duke përfshirë 14 mjekë, vdiqën nga koronavirusi këtë muaj.
Deri më tani rreth 3.500 mjekë në Turqi janë infektuar nga virusi – 3,6 për qind e totalit të rasteve të vendit, raporton AFP-ja, transmeton "Lajmi.net".
Shoqata Mjekësore Turke (TTB), e cila përfaqëson 80% të mjekëve të vendit, fajësoi vdekjen dhe infeksionet për mungesën e veprimeve nga Ankaraja.
TTB-ja akuzoi qeverinë se “nuk ka marrë masat paraprake të nevojshme në kohë dhe në mënyrë efektive” dhe “dështimin për të siguruar pajisje mbrojtëse personale me kohë”.