Rusia në heshtje armatos enklavën e saj në veri të Evropës

Arsenali rus në enklavën e Kaliningradit po rritet ndërsa e gjithë bota lufton me pandeminë e koronavirusit.

Që kur Moska aneksoi Krimenë në vitin 2014, ajo ka qenë duke e rritur në mënyrë të qëndrueshme praninë e saj ushtarake në Kaliningrad, duke paraqitur shpesh këto masa si ‘kundërpërgjigje ndaj aktiviteteve të rritura të NATO-s pranë kufijve rusë’.

Një përbërës kryesor i këtij procesi të armëve ishte përmirësimi i aftësive të sistemeve të raketave me rreze të gjata dhe modernizimi dhe vendosja.

Rusia po punon gjithnjë e më shumë për të përmirësuar gamën dhe saktësinë e sistemeve të artilerisë, të vendosur në vend në Kaliningrad, dhe sipas raporteve të fundit nga gazeta ruse ‘Izvestia’, kjo enklavë tani ka marrë një sistem raketash me rreze të gjatë veprimi “Tornado-S” (MLRS), duke zëvendësuar sistemin e vjetër BM-21.

“Tornado-S” është një version i përmirësuar i “BM-30 Smerch” dhe ka një gamë prej 120 kilometrash. Ai mund të lidhet me sistemin e navigacionit satelitor GLONASS të Rusisë, duke siguruar saktësi më të madhe në sulmin e raketave të

Mediat perëndimore, përfshirë CNN, pohojnë se rusët kanë vite që ndërtojnë dhe forcojnë depozita bërthamore në rajonin e Kaliningradit.

Kaliningrad, kryeqyteti i kësaj enklavë ruse, e vendosur midis Polonisë dhe Lituanisë, është një nga pikat e tensionit midis Rusisë dhe Perëndimit.

Që nga anëtarësimi i vendeve baltike në NATO, Kaliningrad është bërë një pikë vlimi strategjik, pasi aty strehohen bazat kryesore detare ruse.