Bota

Fëmija i reklamave bën vetëvrasje pasi e tallën në rrjete sociale

Fëmija i reklamave bën vetëvrasje pasi e tallën në rrjete sociale
10 janar 2018 • 23 : 29

Një vajzë 14-vjeçare, e cila si fëmijë ishte imazhi i firmës së kapelave australiane Akubra, i ka marrë jetën vetes pas ngacmimin online, njofton familja e saj, raporton BB, përcjell Insajderi.

Në një postim në Facebook, babai i Amy “Dolly” Everett tha se sikur të kishte më shumë ndërgjegjësim për ngacmimin, vajza e tij nuk do të humbte jetën.

Kompania Akubra gjithashtu shprehu ngushëllimet e saj, duke bërë thirrje që të gjithë të “ngriheshin” kundër çdo lloj ngacmimi.

Një në pesë fëmijë në Australi thonë se u sulmuan gjatë vitit të kaluar.

Në postimin emocional në Facebook, të shkruar të dielën, babai i Dolly, Tick Everett, nuk dha detaje të ngacmimit, por tha se ajo kishte dashur të “shpëtonte nga e keqja në këtë botë”.

Ai tha se shpresonte që vëmendja në vdekjen e Dolly-s javën e kaluar mund të “ndihmonte jetët e tjera të çmueshme “.

Të mërkurën, familja lëshoi ënjë deklaratë për mediat duke thënë se Dolly kishte qenë “shpirti më i këndshëm, i kujdesshëm, i bukur”.

“Ajo gjithnjë kujdesej për kafshë, fëmijë të vegjël dhe fëmijë të tjerë në konvikt, të cilët ishin më pak fatlumë se vetë”

Familja ndau një vizatim të fundit nga Dolly duke treguar një person të dobët me shënimin: “Fol edhe nëse zëri yt dridhet”.

© zëri.info