SHBA: Vazhdimi i EULEX’it hap i rëndësishëm për sundimin e ligjit
Aktuale
June 17, 2016 - 18:00
Ambasada e SHBA-ve në Prishtinë ka mirëpritur lajmin për vendimin e zgjatjes së mandatit të Misionit të BE-së për Sundimin e Ligjit, EULEX.
"Ky është një hap i rëndësishëm në qëllimin tonë të përbashkët të përmirësimit të sundimit të ligjit në Kosovë. Kjo marrëveshje do t’i mundësojë EULEX-it që të vazhdojë t’i ofrojë sektorit të drejtësisë kapacitet aty ku nevojitet, dhe që të ndihmojë Kosovën në zhvillimin e aftësive vetanake”, thuhet në deklaratën e Ambasadës së SHBA-ve në Kosovë.
“Qeveria e SHBA-ve mburret për faktin që do të vazhdojë të kontribuojë me personel për të zbatuar këtë mision të rëndësishëm”, thuhet më tej aty.
