Selmanaj bën thirrje për pjesëmarrje masovike në protestën në Deçan (Video)
Aktuale
June 15, 2016 - 20:03
Nesër në Deçan do të mbahet protestë gjithëpopullore, kundër vendimit të Gjykatës Kushtetuese për pronat që iu dhanë Manastirit të Deçanit.
Në sheshin “Mentor Tolaj” në orën 12:00, do të mblidhen qytetarët, për të kundërshtuar këtë vendim, të cilin e cilësojnë si të padrejtë, shkruan lajmi.net.
Kreu i kësaj komune, Rasim Selmanaj, përmes një video të publikuar në facebook, u bënë thirrje qytetarëve që të marrin pjesë.
Selmanaj thotë se ai së bashku me familjen e tij, nesër do të jenë në shesh, për të kundërshtuar, siç thotë ai “vendimin politik të Gjykatës Kushtetuese”, e cila sipas tij, është në dëm të qytetarëve të Deçanit.
