Nagavci: Nuk frikësohemi nga dialogu, por nga Thaçi
Deputetja e Lëvizjes Vetëvendosje i është kundërpëegjigjur shefit të GP-së së PDK-së Memli Kransiqi, i cili tha sot se partitë politike nuk duhet t’i frikësohen dialogut me Serbinë, raporton zeri.info.
Me këtë rast, Nagavci tha se LVV nuk frikësohet nga dialogu, por nga presidenti Thaçi.
“Dua ta bëj të ditur se LVV në asnjë moment nuk është frikësuar nga dialogu. Kemi besim të plotë te Brukseli dhe Uashingtoni. Por kemi frikë nga Thaçi”, deklaroi ajo.
Sipas saj, presidenti ka nënshkruar marrëveshje kundër kushtetutës së Kosovës.
Ajo më tej, ka thënë se gjersa po diskutohej sot në tryezën për dialog, Thaçi veçse ka vendosur ta drejtojë fazën finale të dialogut.
“Përderisa ne po diskutojmë kështu në tryezë dhe është temë gjithandej se kush duhet ta udhëheqë, qeveria tashmë e ka tërhequr platformën dhe Thaçi veç ka konfirmuar se do të marrë pjesë të dielën”, ka shtuar ai.
Kjo sipas Nagavcit, dëshmon qartë që qeveria ka mungesë të legjitimitetit. /Zëri
