Hoxhaj: Kosova kurrë s’ka pasur situatë më të favorshme për aplikim në KE

Zëvendëskryeministri i Kosovës, Enver Hoxhaj ka uruar Kroacinë për marrjen e kryesimit të Këshillit të Evropës, ndërsa ka folur për anëtarësimin e Kosovës në këtë organizatë.

Hoxhaj përmes një postimi në Facebook, tha se Kosova është angazhuar për kriteret e anëtarësimit, dhe i plotëson të gjitha kushtet për të qenë shtet anëtar.

LEXO EDHE: Çitaku 'godet' Daçiq-in në Këshill të Sigurimit

Postimi i plotë:

Urime Kroacisë  për marrjen e kryesimit të Këshillit të Evropës. Kosova është angazhuar dhe plotëson të gjitha kushtet për të qenë shtet anëtar i kësaj organizate shumë të rëndësishme. Për më tepër, i kemi votat e domosdoshme dhe asnjëherë nuk ka pasur situatë më të favorshme për aplikim sesa tani. Këto rrethana të favorshme për ne i plotëson edhe kryesimi i Këshillit nga Kroacia – shtet mik i Kosovës.

Përderisa aplikimi është akt, anëtarësimi është proces që merr kohë deri në dy vite, prandaj duhet të kemi qartësi strategjike në marrjen e vendimeve dhe procesin e anëtarësimit.