Interpelanca e Haradinajt me pesë deputetë në sallën e Kuvendit
Aktuale
March 01, 2018 - 10:17
Kuvendi i Kosovës sot do të mbajë seancën e rregullt plenare me disa pika të rendit të ditës.
Seanca e paraparë të nisë në orën 10:00 ende nuk ka filluar dhe deri më tani janë vetëm pesë deputetë në sallë, raporton lajmi.net.
Në rend ditë janë dy interpelanca të kryeministrit Ramush Haradinaj.
Haradinaj është thirrur në interpelancë nga Grupi Parlamentar i Lëvizjes Vetëvendosje lidhur me vdekjen e Astrit Deharit në qendrën e paraburgimit në Prizren.
Po ashtu Haradinaj sipas kërkesës së Grupit Parlamentar të Lidhjes Demokratike të Kosovës është thirrur në interpelancë lidhur me vendimin për rritjen e pagave për kabinetin e tij qeveritar dhe për pagat që paguhen nga buxheti i Kosovës.
