Thaçi dekoron ish-presidenten Jahjaga
Aktuale
February 23, 2018 - 12:42
Presidenti i vendit, Hashim Thaçi dekoroi sot ish-presidenten Atifete Jahjaga me Medaljen Presidenciale.
Jahjaga u dekorua për rolin konstruktiv në forcimin e unitetit politik, avancimin e të drejtave të njeriut dhe përmirësimin e imazhit të Kosovës në botë.
“Me Medaljen Presidenciale Jubilare të dhjetëvjetorit të Pavarësisë dekorova ish-presidenten e Republikës së Kosovës, Atifete Jahjagën. Ajo luajti rol konstruktiv në forcimin e unitetit politik, avancimin e të drejtave të njeriut dhe përmirësimin e imazhit të Kosovës në botë”, shkruan Thaçi në Facebook. /Telegrafi/
