Shqiptarja e lindi në veturë fëmijën në orët e para të vitit të ri në Itali
Aktuale
January 01, 2018 - 23:09
Lindjet e para të ditës së parë të vitit 2018 në Empoli të Italisë kanë regjistruar një rast me të vërtetë të veçantë, nga ato që do të mbeten gjatë në mend jo vetëm për prindërit, por edhe për ata që asistuan.
Mediat italiane shkruajnë se bëhet fjalë për një grua shqiptare, që i dha jetë rreth orës 06:28 të mëngjesit të sotëm një vajze, por duke e lindur atë në… veturë.
Pasi u lajmëruan për rastin në fjalë, infermierët e urgjencës e ndihmuan atë në makinë, ndërsa më pas e çuan në spitalin e Empolit.
Atje u konstatua se fëmija ishte në gjendje të mirë shëndetësore.
