Kosova pikë diskutimi e takimit Putin-Vuçiq

Presidenti serb Aleksandar Vuçiq do të takohet sot në Moskë me presidentin rus Vladimir Putin.

Presidenti serb njoftoi se ky takim do të jetë i gjatë dhe do të zgjasë më shumë se dy orë e gjysmë ku do të diskutohen disa tema, duke përfshirë zhvillimin e marrëdhënieve ekonomike, punëtorët serbë që punojnë në Rusi dhe statusin e kompanive ruse që operojnë në Serbi.

Vuçiq tha se ai do të diskutonte marrëdhëniet e mëtejshme tregtare me njëri-tjetrin, e cila do të rriste shkëmbimin tregtar që është i mirë dhe po shërohej në 2017, raporton “Kurir”.

Presidenti serb gjithashtu tha se do të nënshkruhen marrëveshjet e gazit, bisedimet mbi bashkëpunimin tekniko-ushtarak, mbi Kosovën dhe marrëdhëniet në rajon, në Katalonjë dhe gjithçka që po ndodh në Evropë dhe në botë.

Faqja e internetit të Kremlinit njoftoi se të dy presidentët do të diskutojnë për përmirësimin e mëtejshëm të partneritetit strategjik në fushën politike, tregtare, ekonomike dhe humanitare.

Do të ketë gjithashtu çështje ndërkombëtare në agjendë.

Është planifikuar të nënshkruhen disa marrëveshje dhe të dy presidentët do t’i drejtohen mediave pas takimit, i cili do të mbahet në orën 14 të pasdites./Periskopi/