Haziri për heqjen e vizave deri në muajin mars: As që bëhet fjalë

Nënkryetari i Lidhjes Demokratike të Kosovës, Lutfi Haziri është shprehur pesimist për liberalizimin e vizave gjatë muajit mars të vitit të ardhshëm.

Haziri ka thënë se pa ratifikimin e Demarkacionit as që bëhet fjalë që kosovarët të mund të udhëtojnë lirshëm nëpër Evropë.

Këto deklarata kryetari i Gjilanit i ka bërë pas zotimit të Haradinajt, se heqja e vizave dhe krijimi i Ushtrisë do të bëhet gjatë muajit mars të 2018-ës.

“Pa ratifikimin e ligjit për demarkacionin as që bëhet fjalë, tash është forcuar edhe kriteri i luftës kundër krimit dhe korrupsionit”, ka thënë Haziri.

“Me këtë qeveri nuk bëhet fjalë që vizat të hiqen në mars”, ka deklaruar nënkryetari i Gjilanit për lajmi.

Veç Haradinajt, edhe ministri i jashtëm, Behgjet Pacolli mbrëmë ka komentuar pritshmëritë për heqjen e vizave.

Ai ka thënë se nëse Demarkacioni ratifikohet në shkurt, atëherë kosovarët mund të lëvizin lirshëm në muajin qershor.

Ndryshe, raporti i demarkacionit tash është në Kuvend, por që kryesia ende s’ka vendosur për ta çuar për shqyrtim para deputetëve.