Delawie i zhgënjyer me largimin e deputetëve nga seancat e Kuvendit të Kosovës
Aktuale
November 24, 2017 - 17:05
Duke i komentuar seancat e dy ditëve të fundit të Kuvendit të Kosovës, ku deputetë të partive politike janë larguar nga Parlamenti, ambasadori i Shteteve të Bashkuara të Amerikës (SHBA), Greg Delawie, ka shprehur zhgënjimin e tij.
Ai përmes një postimi në Twitter, ka thënë se është i zhgënjyer me largimin e deputetëve nga seancat parlamentare.
“Ju bëj thirrje të gjithë deputetëve, të përqendrohen në punët urgjente për të mirën e qytetarëve të Kosovës”, ka shkruar Delawie.
Ndryshe, në dy seancat e fundit të Kuvendit të Kosovës, fillimisht PDK dhe më pas LDK-ja, janë larguar nga seanca.
