Aktuale

Meta: Bashkëpunimi kundër terrorizmit, vendimtar për sigurinë e Shqipërisë

Meta: Bashkëpunimi kundër terrorizmit, vendimtar për sigurinë e Shqipërisë
12 gusht 2017 • 18 : 16

Presidenti i Shqipërisë, Ilir Meta, priti sot një delegacion të Senatit të SHBA-së, kryesuar nga senatori Roy Blunt, ku është biseduar për marrëdhëniet ndërmjet dy shteteve dhe kontributin e Shqipërisë në NATO dhe rolin e saj stabilizues në rajon.

Delegacioni amerikan, i cili po zhvillon një vizitë pune faktmbledhëse në disa vende të Ballkanit Perëndimor, vlerësoi vizitën në Malin e Zi të zëvendës presidentit të SHBA-së, Mike Pence dhe mesazhet e tij të qarta mbi çështje të sigurisë rajonale, ato të koordinimit të veprimeve në kuadër të luftës globale kundër terrorizmit dhe ekstremizmit të dhunshëm.

Presidenti Meta nënvizoi se siguria është baza e prosperitetit dhe zhvillimit të rajonit ndaj bashkëpunimi kundër terrorizmit dhe krimit të organizuar me SHBA-në dhe NATO-n është vendimtar për të ardhmen e sigurt të vendeve tona dhe qytetarëve tanë.

© zëri.info