Lunaçek u rikërkon pesë shteteve të BE-së ta njohin Kosovën

Raportuesja për Kosovën në Parlamentin Evropian, Ulrike Lunacek, në një debat për Raportin e 2016's të Komisionit Evropian për Serbinë, ka vlerësuar se mbetet ende shumë për t'u bërë në dialogun me Kosovën.​

Gjatë debatit, Lunacek ka kujtuar sot se u ka bërë thirrje pesë shteteve të Bashkimit Evropian që ende nuk e kanë njohur pavarësinë e Kosovës që ta bëjnë këtë.

"Në raportin tim kam nxitur 5 shtetet e mbetura të BE'së që ta njohin Kosovën", ka shkruar Lunacek në llogarinë e saj zyrtare në Twitter, duke iu referuar Raportit të 2016's të Komisionit Evropian për Kosovën.

Lunacek ka komentuar edhe për çështjen e Demarkacionit të kufirit ndërmjet Kosovës dhe Malit të Zi.

"Shpresoj se Kuvendi i Kosovës ta miratojë sa më shpejt të jetë e mundur marrëveshjen e demarkacionit me Malin e Zi", ka shkruar Lunacek në rrjetin social. /Express/