‘Enver Hasani i keq, Enver Hasani i mirë’ (VIDEO)
Zëri: Në të kaluarën e keni kritikuar ish-kryetarin e Gjykatës Kushtetuese Enver Hasanin, duke e quajtur madje edhe gjyqtar të PDK-së, a ka ndryshuar qëndrimi juaj për të pas qëndrimeve të tij për Demarkacionin apo ka ndryshuar Hasani?
Kurti: Nuk ka ndryshuar qëndrimi im për vendimet e tij, por ka ndryshuar pozita e tij. Ai nuk është më kryetar i Gjykatës Kushtetuese dhe pse duhet të merrem tash me të.
LEXO EDHE: Kurti: Edhe SHBA-të gabojnë (VIDEO)
Zëri: Është i njëjti person i cili ka marrë vendime të dëmshme, siç keni thënë, për koalicionin opozitar?
Kurti: Kjo tregon që ai mendon shumë më drejt kur nuk është në pozitë, kur është në pozitë të qytetarit e të profesionistit sesa kur është në pozitë zyrtare. Mendoj që kjo është edhe një dëshmi se shteti i Kosovës është shtet i kapur, sepse njerëzit në shtetin e kapur janë njerëz të kapur. Enver Hasani në pozitën e kryetarit të Gjykatës Kushtetuese profesionalizmin dhe patriotizmin i ka pasur në rend të tretë, ndërsa tash kur nuk e ka atë detyrë, kur është shkëputur nga kapja e shtetit dhe shteti i kapur ka treguar që i kthehet qëndrimeve në përputhje me studimet dhe gradat shkencore që i ka marrë.
