Qytetarët ushtrojnë të drejtën e votës, fotografi nga qendrat e votimit

Fiks në orën 07:00, në të gjithë vendin janë hapur të gjitha vendvotimet.

Sipas Komisionit Qendror të Zgjedhjeve (KQZ), nuk është raportuar asnjë parregullsi, raporton Zeri.info.

Gjithsej janë 903 qendra të votimit me 2 mijë e 533 vendvotime. Po ashtu këtëë vit, KQZ-ja ka caktuar gjithsej 38 qendra të votimit për votimin me kusht, pra nga një për çdo komunë, me gjithsej 56 vendvotime.

Sipas Listës së Votuesve, numri i shtetasve të Kosovës me të drejtë vote në ditën e sotme, është 1 milionë e 970 mijë e 944, prej tyre për herë të parë votojnë 125 mijë e 852 qytetarë.

Këto zgjedhje janë të nëntat me radhë që nga përfundimi i luftës, kurse të parat zgjedhje të rregullta nga shpallja e pavarësisë në vitin 2008.

Fotoreporterja e Zeri.info, ju sjell fotografi të votuesve nga disa qendra të votimit në Prishtinë.