Bedri Hamza takon kryetarin e Pensionistëve: 70% rriten pensionet, do t’u njihet edhe stazhi i viteve ’90

Kandidati i PDK-së për Kryeministër, Bedri Hamza, e ka postuar një video duke pirë kafe me Kryetarin e Shoqatës së Pensionistëve të Kosovës, Nijazi Gashin.

Hamza ka thënë se pensionet e moshës do të rriten 70%, ndërsa pensionet kontributdhënëse do të rriten dhe përshkallëzohen sipas viteve të përvojës së punës.

“Pensionet e moshës do të rriten 70%. Pensionet kontributdhënëse do të rriten dhe përshkallëzohen sipas viteve të përvojës së punës. Duke e rritur kujdesin për pensionistët tanë, ne nderojmë sakrificat e tyre dhe sigurojmë që shoqëria jonë të mbetet e kujdesshme dhe e drejtë për të gjithë qytetarët e saj. Kosova mundet ma mirë për pensionistët!”, ka shkruar Hamza.