Demaj: PDK me votë popullore shkon në opozitë me 6 tetor
Zgjedhjet 2019
September 19, 2019 - 14:44
Detajet
Kandidati i LDK-së për deputet, Frashër Demaj ka thënë se është koha që PDK të shkojë në opozitë në zgjedhjet që do të mbahen me 6 tetor.
Përmes një shkrimi në Facebook, Demaj ka thënë se qëndrimi i gjatë në pushtet i ka shërbyer krijimit të një oligarkie politike dhe kapjes së shtetit nga një strukturë mafioze që lidhet ngushtë me PDK-në.
Sipas tij, që të shthuret ky sistem korruptiv, PDK duhet që pas 6 tetorit me votë popullore të dërgohet në opozitë.
“Andaj për t’u shthurur ky sistem korruptiv, mafioz dhe kriminal duhet që PDK pas 6 tetorit, me votë popullore të dërgohet në opozitë. Në të kundërtën “kapja dhe çkapja” do të mbesin gjatë në fjalorin politik dhe qytetar të Kosovës”, ka shkruar ai.