Jepet tenderi për rregullimin e infrastrukturës së “Shpellës së Kusarit”

Një nga atraksionet e bukura turistike të Kosovës është “Shpella e Kusarit”, në periferi të qytetit të Gjakovës.

Komuna e Gjakovës ka hapur një tender për të rregulluar infrastrukturën e këtij atraksioni turistik, për të cilin ka ndarë 19.668.89 euro. Me këto para duhet të rregullohet rruga, ndriçimi dhe shtegu i ecjes, raporton “Zëri”.

Tenderi është fituar nga kompania “Viktory Com” nga Gjakova, me vlerë të ofertuar prej 16.547.70 eurove.