Djali i Ibrahimoviqit ndjek hapat e babait, ky është ekipi i tij i ri

Djali i Ibrahimoviqit ka ndjekur hapat e babait të tij, duke përparuar në karrierën e tij.

Maximilian Ibrahimoviq ka nënshkruar kontratë për Ajaxin këtë të mërkurë.

Anësori shumë i ri, vetëm 19 vjeç, mbërrin në huazim deri në fund të sezonit aktual me një opsion blerjeje, sipas klubit të Amsterdamit.

Maximiliani do të fillojë me ekipin nën 23 vjeç, megjithëse pritet që së shpejti të kalojë midis ekipit rezervë dhe ekipit të parë. “Ai është një lojtar me shumë potencial dhe shpresojmë që ai të jetë pjesë e sulmit të Ajaxit”, komentoi Marijn Beuker, drejtori i futbollit të Ajaxit.

Nga ana e tij, lojtari donte ta bënte të qartë se, megjithëse po ndjek hapat e të atit, dëshiron të dallohet prej tij: “Dua të shkruaj historinë time”, u shpreh ai në median zyrtare të klubit të tij të ri. Këtë sezon, duke luajtur për ekipin rezervë të Milanit, Ibrahimoviq Jr ka bërë 16 paraqitje në Serie D, duke shënuar pesë gola dhe duke dhënë katër asiste. Këto shifra e bëjnë atë një pasardhës të denjë të babait të tij. /Zëri