Drita përgatitet për derbin ndaj Ballkanit, Ramadani dhe Krasniqi flasin për pritshmëritë

Një ditë para ndeshjes së 15-të të kampionatit, Drita mbajti një konferencë për media, ku Kryetrajneri Zekirja Ramadani dhe futbollisti Blerim Krasniqi ndanë detajet e fundit rreth përgatitjeve për sfidën ndaj FC Ballkanit.

Ramadani e cilësoi këtë ndeshje si një “derbi të kreut të tabelës” dhe theksoi se ekipi është i gatshëm për të dhënë maksimumin.

“Do të japim maksimumin me lojtarët që i kam në dispozicion. Pas lodhjes nga e enjtja, në një derbi kjo do të kalojë më lehtë. Nëse nuk arrijmë objektivin nesër, do të vazhdojmë të luftojmë për çdo ndeshje,” tha ai.

Ndërkaq, Krasniqi shprehu optimizëm për rezultatin e ndeshjes, duke theksuar atmosferën pozitive në grup. “Pasi ndeshjes me Shkëndijën, jemi në maksimumin tonë dhe shpresojmë të vazhdojmë me këtë ritëm,” u shpreh ai.

Sa i përket lëndimit, Krasniqi shpreson të rikuperohet shpejt dhe të kthehet në fushë.

Ndeshja mes Dritës dhe Ballkanit do të zhvillohet nesër, të dielën, në orën 13:00, në Stadiumin Ndihmës te Rrethi.