Shkëlqen Vedat Muriqi, realizon dygolësh për t’ia fituar një pikë Mallorcas ndaj Osasunas
Sport
November 29, 2025 - 16:28
Ylli i Kosovës Vedat Muriqi ka dhuruar një tjetër paraqitje fantastike në Spanjë, këtë herë ndaj Osasunas.
Qendërsulmuesi shënoi dy herë në barazimin 2-2 për t’ia fituar një pikë Mallorcas.
Në fakt, Mallorca ishte në epërsi me dy gola falë Muriqit (62’, 66’), por që pësuan dy herë në fund, kësisoj epilogu përfundimtar rezultoi të jetë 2-2.
“SofaScore” e vlerësoi prizrenasin si më i miri i ndeshjes me notën 9.2, ku përpos golit fitoi 11 duele nga 16 të tentuara, si dhe u faullua gjashtë herë brenda lojës.
Tani, Muriqi është golashënuesi i dytë më i mirë në La Liga me tetë gola të shënuar, aq sa ka Robert Lewandowski i Barcelonës, derisa pozitën e parë e mban Kylian Mbappe me 13 sosh.
