Kalimi te Sunderland, Leonita i bën dedikimin emocionues Xhakës: Krenare me ty, do të jem gjithmonë pranë teje

Granit Xhaka është rikthyer në Premier League duke nënshkruar një kontratë trevjeçare me Sunderlandin, skuadrën angleze që këtë sezon është ngjitur në elitën e futbollit britanik.

Pas aventurës së suksesshme në Bundesligë me Bayer Leverkusen, ku u bë një nga figurat kryesore të ekipit dhe fitoi trofe, Xhaka ka vendosur të kthehet në Angli, këtë herë për të qenë pjesë e një projekti të ri ambicioz.

Kalimi i tij te Sunderland konsiderohet si një goditje e madhe për klubin, që synon të sigurojë një sezon të qëndrueshëm në Premier League me ndihmën e përvojës dhe cilësive të Xhakës si lider dhe organizator në mesfushë.

Ky transferim ka marrë shumë vëmendje si nga mediat shqiptare ashtu edhe ato ndërkombëtare.

Përkrahja më e madhe, megjithatë, ka ardhur nga familja.

Bashkëshortja e Xhakës, Leonita, ka shpërndarë në rrjete sociale disa momente të çiftit dhe i ka bërë një dedikim.

“Jam shumë krenare për ty! Do të jem gjithmonë pranë teje”, ka qenë përshkrimi.

Ky mesazh i sinqertë shpreh mbështetjen dhe dashurinë e saj të pandërprerë, duke vërtetuar se prapa çdo suksesi qëndron edhe një partneritet i fortë familjar.

Transferimi i Xhakës te Sunderlandi pritet të sjellë emocione të reja për të dhe familjen e tij, por edhe të ringjallë shpresat e tifozëve për një sezon të denjë në elitën angleze.