Zyrtare: Lucas Vazquez largohet nga Real Madrid
Real Madrid ka njoftuar se Lucas Vazquez është larguar nga klubi, pas 17 vjetësh.
Lajmi është konfirmuar nga vetë klubi, përmes një komunikatë zyrtare në platformën X.
“Real Madrid C.F. njofton se nesër, të enjten, më 17 korrik, në orën 13:00, një ceremoni lamtumire dhe homazhi institucional për lojtarin tonë Lucas Vázquez do të zhvillohet në Real Madrid City, me praninë e presidentit tonë, Florentino Perez:.
Real Madrid dëshiron të shprehë mirënjohjen dhe dashurinë e tij për Lucas Vázquez, një nga legjendat më të mëdha të klubit tonë.
Lucas Vazquez u bashkua me Real Madridin në vitin 2007, në moshën 16 vjeç, dhe luajti në çdo kategori të sistemit tonë të të rinjve, nga U19 C deri te Castilla. Pas një sezoni si huazim te Espanyol, ai debutoi me ekipin e parë të Real Madridit në shtator 2015. Që atëherë, ai ka veshur fanellën tonë në 402 ndeshje gjatë 10 sezoneve, në një nga periudhat më të suksesshme në historinë e Real Madridit. Gjatë kësaj kohe, ai ka fituar 23 tituj: 5 Kupa Evropiane, 5 Kupa Bote për Klube, 4 Superkupa Evropiane, 4 tituj La Liga, 1 Kupë të Mbretit dhe 4 Superkupa Spanjolle.
Për presidentin e Real Madridit, Florentino Perez, “Lucas Vázquez përfaqëson në mënyrë shembullore vlerat e Real Madridit, gjë që e ka bërë atë një nga lojtarët më të dashur nga tifozët tanë. Lucas Vazquez simbolizon punën e palodhur, këmbënguljen, përulësinë dhe shpirtin fitues, thelbësore për të pasur sukses me këtë fanellë. Ai është një lojtar që fiton dashurinë dhe njohjen e të gjithë tifozëve të Real Madridit. Real Madridi është dhe gjithmonë do të jetë shtëpia e tij.
Real Madridi i uron atij dhe gjithë familjes së tij fat të mbarë në këtë fazë të re të jetës së tij”, thuhet në komunikatën e klubit. /Zëri
Comunicado Oficial: acto de despedida de Lucas Vázquez. #GraciasLucas
— Real Madrid C.F. (@realmadrid) July 16, 2025
