Rey Manaj ka gjendje stabile pas përplasjes, ai i befasoi mjekët me fjalët e para pasi u zgjua
Sulmuesi shqiptar Rey Manaj, ka përfunduar pa ndjenja në fushë pas një përplasjeje të fortë me një kundërshtar gjatë ndeshjes Sivaspor-Göztepe.
Ai pasi pësoi goditje në kokë u dërgua urgjentisht me ambulancë për të iu nënshtruar vizitave të mëtejshme mjekësore në spital.
Mediat turke raportojnë se fjalët e para të Manajt pas ngjarjes kanë habitur mjekët. Sipas burimeve, sulmuesi ka pyetur menjëherë; “A do të mund të luaj në javën e ardhshme?” – një frazë që ka dëshmuar dëshirën e tij të madhe për t’u rikthyer sa më shpejt në fushë, duke treguar edhe njëherë angazhimin dhe pasionin e tij për futbollin.
Krejt kjo ndodhi në minutën e 3-të të ndeshjes, kur Manaj u përplas kokë më kokë me një mbrojtës të ekipit kundërshtar, Göztepe.
Pas përplasjes, ai mbeti i shtrirë në fushë, duke shkaktuar panik te lojtarët dhe tifozët. Stafi mjekësor i Sivasspor ndërhyri menjëherë, duke ofruar ndihmën e parë në vend. Më pas, futbollisti shqiptar u transportua me ambulancë për në spital, ku iu nënshtrua kontrollave dhe vizitave të nevojshme.
Sipas informacionit të fundit, gjendja e Manajt është stabilizuar dhe ai është jashtë rrezikut për jetën.
Një informacion i fundit nga klubi Sivasspor thekson se futbollisti është në gjendje të vetëdijshëm dhe po merr trajtimin e duhur për shërimin e tij.
Të gjithë shpresojnë për një rikuperim të shpejtë, duke parë pasionin dhe dëshirën e tij për të rikthyer në fushë sa më shpejt.
Rey Manaj’ën Saëlëk Durumu Hakkënda Bilgilendirme
— Sivasspor (@Sivasspor) March 9, 2025
Sporcumuz Rey Manaj, Göztepe ile oynadëmëz karëlaëmanën 3. dakikasënda rakip oyuncu ile yaëadë çarpëma sonucu bilincini kaybetmië ve saëlëk ekiplerinin müdahalesinin ardëndan Sivas Cumhuriyet Üniversitesi Hastanesi’ne… pic.twitter.com/W02MfrdjV0
