Roma nënshkruan me portierin Gollini

Pierluigi Gollini i është bashkuar Romës në një transferim të përhershëm nga Atalanta.

Klubi kryeqytetas ka vendosur të përforcohet në portë, duke nënshkruar me portierin e njohur, Gollini.

“AS Roma është e kënaqur të njoftojë nënshkrimin e Pierluigi Gollini nga Atalanta në një marrëveshje të përhershme”.

“29-vjeçari ka bërë gjithsej 139 paraqitje në Serie A, duke veshur ngjyrat e Hellas Veronas, Atalantas, Fiorentinas, Napolit dhe Genoas.

“Pierluigi do të veshë fanellën nr. 95 te Roma”, thuhet në deklaratën e Romës.

Gollini e kaloi pjesën e parë të sezonit si i huazuar te Genoa, por Nicola Leali u bë titullari i rregullt mes shtyllave në Marassi, duke e shtyrë ish-portierin e Fiorentinës dhe Napolit të largohej nga klubi.

Italiani do të jetë portieri i dytë në kryeqytet, duke zëvendësuar australianin Mathew Ryan, i cili iu bashkua skuadrës franceze Lens në një transferim të përhershëm në fillim të kësaj jave.

ë Welcome to Roma, Pierluigi Gollini! ë #ASRoma pic.twitter.com/qk81MZzqIi

— AS Roma English (@ASRomaEN) January 24, 2025