Ndërpritet ndeshja, një futbollist i Fiorentinës bie pa ndjenja në fushë

Ndeshja mes Fiorentinës dhe Interit që po zhvillohet në kuadër të javës së 14-të në elitën e futbollit italian është ndërprerë në gjysmë.

Kjo për shkak se futbollisti italian Eduardo Bove papritmas ra pa ndjenja në fushë duke shkaktuar ankth dhe panik tek lojtarët dhe tifozët e pranishëm në stadium.

Menjëherë pas këtij rasti u futën në fushë ekipet mjekësorë të të dyja ekipeve për t’i dhënë ndihmën e parë, teksa deri më tani nuk ka informacione për gjendjen e tij.

Lojtarët e Fiorentinës dhe ata të Interit u panë tejet të shqetësuar për gjendjen e Boves dhe shumë prej tyre madje shpërthyen në lot.

Gjyqtari i ndeshjes momentalisht i kërkoi të dy ekipeve që të shkojnë në dhomën e zhveshjes dhe nuk dihet nëse ajo do të vazhdojë më apo jo./Telegrafi/