Zvicra fton Xhakën dhe Zeqirin për ndeshjen kundër Serbisë që zhvillohet në Beograd më 12 tetor

Dy shqiptarë në listën e kombëtarës së Zvicrës kundër Serbisë.

Kapiteni Granit Xhaka dhe Andi Zeqiri, do të jenë ata që do të udhëtojnë drejt Beogradit më 12 tetor.

Selektori Murat Yakin, e ka publikuar listën e futbollistëve të ftuar për këtë përballje të nxehtë.

Përballjet mes helvetikëve dhe serbëve janë çdoherë të nxehta shkaku i futbollistëve shqiptarë, për arsye historike.

Në vitin 2022, në Kupën e Botës në Katar, Granit Xhaka ishte i përfshirë në incident shkaku i provokimeve dhe sulmit nga ana e ekipit serb.

Derisa në vitin 2018 po në Kupën e Botës, veçse atëherë në Rusi Xherdan Shaqiri dhe Granit Xhaka, ata që e mposhtën Serbinë me golat e tyre.

E veçanta e kësaj ishte se të dy festuan duke bërë me dorë shqiponjën.