Dënime për klube të Superligës për sjellje të papërshtatshme: Pësojnë Prishtina, Llapi dhe Feronikeli ’74
Sport
September 11, 2024 - 20:54
Klubi i Prishtinës është dënuar me 3000 euro për lëshime në organizimin e ndeshjes ndaj Llapit.
Llapi është gjobitur me 1000 euro për një komunikatë me përmbajtje akuzuese, ofenduese dhe kërcënuese ndaj gjyqtarit kryesor, Genc Nuza.
Feronikeli ’74 ka marrë një dënim prej 1500 eurosh për shkak të lëndimit të portierit vendas nga hedhja e një shishe qelqi në fushë dhe ndërprerjes së ndeshjes për 12 minuta gjatë përballjes me Dukagjinin në Drenas.
Incidenti përfshinte konfrontime fizike dhe siç thuhet në vendimin e Komisionit Disiplinor të FFK-së, “dy-tre simpatizues tentojnë t’i kalojnë rrethojat dhe të futen në fushë.”
Këto masa ndëshkuese vijnë si pjesë e përpjekjeve të FFK-së për të mbajtur rendin dhe disiplinën në ndeshjet e futbollit.
