Panik në klubin e La Ligës, aeroplani u detyrua të bëjë ulje emergjente shkaku i defektit

Klubi i La Ligës, Cadiz, do të udhëtonte në El Salvador për të marrë pjesë në një ndeshje revyale dhe inaugurimin e një stadiumi këtë javë, por udhëtimi është anuluar, pasi avioni që i transportonte u detyrua të bënte një ulje emergjente.

Cadizi do të merrte pjesë në zbulimin e një statuje të lojtarit legjendar Jorge Magico Gonzalez këtë javë dhe më pas do të merrte pjesë në një miqësore me ekipin kombëtar të El Salvadorit të enjten.

Megjithatë, sipas AS-së, vetëm pak minuta pasi fluturimi me ‘charter’ u ngrit nga aeroporti në Jerez de la Frontera, avioni u detyrua të bënte një ulje emergjente në aeroportin e Sevillas për shkak të një defekti mekanik që nënkuptonte se një nga motorët nuk po funksiononte.

Veterani Alex Fernandez deklaroi se në një moment i shkoi në mendje mendimi se jeta e tyre mund të ishte në rrezik, megjithëse shoku i skuadrës Chris Ramos e quajti këtë një frikë të vogël.

Presidenti Manolo Vizcaino kërkoi falje për anulimin e udhëtimit dhe deklaroi se Cadiz do t’i qëndronte besnik detyrës së tyre dhe do të kthehej në El Salvador në një datë të mëvonshme.

Linja ajrore nuk ishte në gjendje të gjente një zgjidhje alternative për aeroplanin, në të cilin ishin lojtarët dhe stafi i Cadizit. /Telegrafi

ë "Se nos ha PASADO de TODO por la CABEZA, PENSÁBAMOS que MORÍAMOS".

Álex Fernández, jugador del Cádiz, cuenta cómo han vivido el incidente con el avión que les llevaba a El Salvador. pic.twitter.com/BE1Fv9Yjk5

— El Chiringuito TV (@elchiringuitotv) May 27, 2024