Trajneri i Getafes shpjegon vendimin për të nënshkruar me Greenwoodin

Trajneri i Getafes, Jose Bordalas, ka shpjeguar pse klubi ka vendosur të sjellë Mason Greenwoodin nga Manchester Unitedi.

Greenwoodi vulosi një transferim të vonuar në skuadrën spanjolle pasi ra dakord të largohej nga Manchester Unitedi pas një hetimi të brendshëm.

Hetimi erdhi pasi akuzat për tentativë përdhunimi, kontroll dhe sjellje shtrënguese kundër lojtarit u hoqën në shkurt pas tërheqjes së dëshmitarëve kryesorë.

Greenwoodi nuk ka luajtur në mënyrë konkurruese që kur u pezullua nga Unitedi në janar 2022 kur u arrestua, por tani do të përpiqet të ringjallë karrierën e tij në Spanjë.

Bordalas thotë se Greenwoodi do të arrijë në klubin e tij me “entuziazëm të madh” dhe ai shpreson se mund ta ndihmojë atë të rizbulojë formën e tij më të mirë në Coliseum Alfonso Perez.

“Është një situatë shumë delikate për të banalizuar këtë çështje. Të gjithë e dinë se çfarë ndodhi dhe u morën masat e duhura, padyshim, ne mund të flasim vetëm për futboll”, u tha ai gazetarëve. /Zeri.info