“Chelsea duhet të kishte nënshkruar me Amrabatin, jo me Caicedon”
Ish-ylli i Chelseat, Frank Leboeuf mendon se Blutë duhet të kishin nënshkruar me Sofyan Amrabatin në vend që të shpenzonin 115 milionë funte për Moises Caicedon.
Leboeufi, i cili kaloi gjashtë sezone në Chelsea midis 1996 dhe 2001, pohoi se Blutë duhet të kishin zgjedhur të nënshkruanin me Sofyan Amrabatin nga Fiorentina në vend që të shpenzonin një tarifë rekord për Moises Caicedon.
Sipas Leboeufit, Amrabati do të kishte qenë opsioni i përsosur për t'u çiftuar me Enzo Fernandezin në qendër të mesfushës dhe do të kishte ardhur me një çmim “të volitshëm”.
Djajtë e Kuq po paguajnë një tarifë huazimi prej 10 milionë eurosh për shërbimet e Amrabatit këtë sezon, ata do të kenë mundësinë ta bëjnë lëvizjen e përhershme verën e ardhshme për 25 milionë euro.
Duke folur për “ESPN”, Leboeufi tha: “Kur shoh ata lloj lojtarësh që shkojnë në Manchester, shpesh flas për Chelsean duke u përpjekur të gjejë ata lojtarë me përvojë në mes të parkut. Pse nuk menduat për atë djalë. Ai do të kishte qenë lojtari i përsosur për t'u çiftuar me Enzo Fernandez. Po, ata morën Moises Caicedo, por për më shumë se 100 milion £! Unë e shoh atë djalë duke shkuar në United si huazim, ai më pas mund të blihet për [gjithsej] 30 milion £ Kjo do të kishte qenë një pazar”.
“Ai ishte i mrekullueshëm për Marokun në Botërorin e kaluar. Ai e ka dëshmuar talentin e tij. Pse Chelsea nuk mendon për këta djem? Ai është një lojtar me përvojë. Pse Chelsea nuk mendon për këta lloj lojtarësh?”.
Caicedo ka pasur një fillim të vështirë te Chelsea. Në ndeshjen e tij debutuese për Blutë, mesfushori ishte fajtor që pranoi një penallti të vonuar ndaj West Hamit, ndërsa ndaj Nottingham Foresti të shtunën, gabimi i tij i kushtoi sërish tre pikë Chelseat. /Zeri.info
