Gjilani - Llapi, kryendeshja e xhiros së 26-të në Superligë

Dy ndeshje të shtunën dhe tri të dielën do të jenë përballjet që na presin në xhiron e 26-të të Superligës në futboll.

Kjo xhiro do të sjellë ndeshje interesante, me kryendeshjen Gjilani – Llapi.

Java hapet me sfidën mes Drenicës e Prishtinës.

Sfida do të zhvillohet në stadiumin “Bajram Aliu” në Skenderaj.

Drenicasit janë të parafundit në tabelë me 23 pikë, kurse kryeqytetasit ndodhen në pozitën e katër me 32 sosh.

Sfida e fundit e së shtunës është mes Malishevës e Dritës.

Drita është lidere në tabelë me 51 pikë, ndërsa Malisheva është e shtata me 28 pikë.

Ndeshja kryesore luhet mes Gjilanit e Llapit në stadiumin ndihmës në Gjilan.

Skuadra e Zekirija Ramadanit është e treta, teksa kanë shtatë pikë më shumë se llapjanët të gjashtit me 32 sosh.

Kampioni aktual, Ballkani është mysafir i Ferizajt.

Ballkani është i dyti me 50 pikë, një më pak se Drita lidere, kurse ferizajasit janë të tetit në tabelë më 27 pikë.

Ballafaqimi i fundit është mes Trepçës ’89 e Dukagjinit në sfidën që zhvillohet në “Riza Lushta”.

Mitrovicasit janë të parafundit në tabelë me 26, derisa Dukagjini i pesti me 32. /Zeri.info