Derbi lokal FC Drita – SC Gjilani zhvillohet pa tifozë
Sport
March 10, 2023 - 15:25
Lajmet e fundit nga Sporti
Këtë fundjavë do të zhvillohet derbi lokal mes Dritës dhe Gjilanit, në kuadër të xhiros së 25-të në Albi Mall Superligën e Kosovës.
Sfida do të zhvillohet në stadiumin me bar sintetik te rrethi në Gjilan.
Ky derbi do të zhvillohet pa praninë e tifozëve, për shkak të kushteve të sigurisë dhe hapësirës së kufizuar të stadiumin sintetik.
Lajmin e ka konfirmuar klubi i Dritës, përmes një njoftimi në faqen zyrtare.
“DERBI LOKAL
FC Drita – SC Gjilani
E diel, ora 13:00.
Për shkak të kushteve të sigurisë dhe hapësirës së kufizuar që ofron stadiumi sintetik, në bashkëpunim me Policinë e Kosovës është vendosur që ndeshja të zhvillohet pa praninë e tifozëve”, thuhet në njoftimin e Dritës. /Zeri.info
