Holandë - Belgjikë dhe Danimarkë - Francë, mbyllen pjesët e para
Sport
September 25, 2022 - 21:40
Lajmet e fundit nga Sporti
Kanë përfunduar pjesët e para në dy përballjet kryesore të mbrëmjes së sotme në Ligën e Kombeve.
Holanda dhe Belgjika kanë përfunduar 45 minutat e para të lojës me rezultat të barabartë 0-0 në stadiumin “Johan Cruijff Arena” në Amsterdam.
Belgët ishin më të rrezikshëm duke tentuar tri herë portën e vendasve që patën dominimin në posedim të topit. Kjo sfidë është në kuadër të Grupit 4 të Ligës A.
Në takimin tjetër që po luhet në Kopenhag, Danimarka po befason duke mposhtur Francën 2:0.
Dolberg hapi serinë e golave në minutën e 34-të të përballjes.
Pesë minuta më vonë, Skov Olsen dyfishoi shifrat në të mirë të danezëve.
Ballafaqimi mes Danimarkës dhe Francës është i vlefshëm për Grupin 1 të Ligës A.
