Zyrtare: Gjilani transferon Solomonin

Zyrtare: Gjilani transferon Solomonin

Sport August 12, 2022 - 23:34
Lajmet e fundit nga Sporti

 Gjilani ka njoftuar se ka transferuar futbollistin, Theophilus Solomon, shkruan Zeri.info.

Lajmin për ardhjen e re e konfirmoi vetë klubi nga Gjilani përmes një njoftimi në faqen zyrtare.

Me gjilanasit ai ka nënshkruar kontratë dyvjeçare.

Solomon së fundmi ishte pjesë e Ballkanit, kurse tani karrierën do ta vazhdojë me Gjilanin.

Postimi i plotë nga klubi gjilanas:

“Sport Club Gjilani komunikon angazhimin e futbollistit Theophilus Solomon.

Marrëveshja e nënshkruar është e vlefshme për dy vite.

Solomon vjen nga radhët e FC Ballkanit, ekip me të cilin u shpall kampion në edicionin e fundit të kampionatit elitar në Kosovë, teksa në të kaluarën ishte pjesë e disa skuadrave të njohura të rajonit.

Të gjithë në SC Gjilani i urojnë mirëseardhje Solomonit dhe i dëshirojnë sukses në objektivat që klubi ka vënë para”.