“Ndonjëherë duhet të shesësh”, Guardiola pranon se Silva ende mund të transferohet te Barcelona

Pep Guardiola thotë se është i pasigurt për të ardhmen e Bernardo Silvas mes interesimit të Barcelonës për mesfushorin e Manchester Cityt.

Silva ka qenë një lojtar vendimtar për Man Cityn, duke i ndihmuar ata të fitojnë katër tituj në pesë vjetët e fundit, por donte të largohej në fillim të sezonit të kaluar.

Pavarësisht problemeve financiare në “Camp Nou”, gjigantët spanjollë kanë treguar se janë të interesuar për Bernardon, por mund të duhet të shesin mesfushorin Frenkie De Jong për të liruar hapësirë ëdhe para përpara se një marrëveshje të përfundojë.

Guardiola këmbëngul se dëshiron që ai të qëndrojë, por do ta lërë të largohet nëse lëvizja është e drejtë për lojtarin portugez.

Trajneri i Cityt ka shitur tashmë lojtarët e vjetër si Oleksandr Zinchenko, Gabriel Jesus dhe Raheem Sterling gjatë verës dhe thotë se dëshiron lojtarë që janë të lumtur në skuadrën e tij.

"Ndonjëherë duhet të shesësh," tha ai në konferencën e tij për shtyp përpara ndeshjes hapëse të Premier Ligës kundër West Ham të dielën.

“Për dëshirën për lojtarët, kam nevojë për njerëz të lumtur këtu, ne përpiqemi ta bëjmë së bashku”, ka thënë Pep. /Zeri.info