Zyrtare: Gjilani transferon Granit Jasharin
Gjilani ka njoftuar se ka transferuar mbrojtësin Granit Jashari, shkruan Zeri.info.
Ishte vetë klubi gjilanas që konfirmoi transferimin e ri përmes një komunikate në faqen zyrtare.
Jashari ka nënshkruar kontratë për dy vjet me mundësi vazhdimi.
Mbrojtësi së fundmi ishte pjesë e Drenicës, teksa tani do ta vazhdojë karrierën te Gjilani.
Postimi i plotë nga klubi (pa ndërhyrje):
Sport Club Gjilani komunikon angazhimin e futbollistit Granit Jashari.
Marrëveshja e nënshkruar është e vlefshme për dy vjet dhe me mundësi vazhdimi.
23-vjeçari, i cili luan në pozitën e mbrojtësit të qendrës, vjen nga radhët e KF Drenica, derisa më parë ka qenë reprezentues i rregullt i moshave zinxhir te Përfaqësuesja e Kosovës.
Të gjithë në SC Gjilani i urojnë mirëseardhje Granitit dhe i dëshirojnë sukses në objektivat që klubi ka vënë para, duke nisur nga garat ndërkombëtare. /Zeri.info